Manchester City e ka nisur me këmbën e mbarë mbrojtjen e titullit në Premier League, teksa ka triumfuar me rezulatin tre me zero, përballë Burnlëey, skuadër e sapo ngjitur në elitën e futbollit anglez.
Djemtë e Guardiolës, i dhanë drejtim ndeshjes, që në minutën e katërt, me Haaland që realizoi golin e parë të sezonit 2023-24 të Premier League.
Vendasit e drejtuar nga ish-kapiteni “Citizen”, Kompany, provuan të reagonin, por “Sky Blues”, ishin dukshëm shumë të fuqishëm në krahasim me kundërshtarin.
Në të tridhjetë e gjashtën minutë, ishte përsëri Haaland, që dërgoi topin në fund të rrjetës kundërshtare, falë asistimit të Julian Alvarez.
Deri në fund të pjesës së parë, shifrat nuk ndryshuan, me Cityn që shkoi i qetë në dhomat e zhveshjes.
Në fraksionin e dytë të lojës, muzika nuk ndryshoi, me Cityn, që ishte pardon i fushës, ndërsa Burnley kishte si objektiv, limitimin e dëmeve.
Në minutën e shtatëdhjetë e pestë, Rodri trefishoi shifrat, duke i vënë kapakun, de facto, që në atë moment këtij takimi.
City koleksionon tre pikët e para, duke i përqendruar forcat tashmë te dueli i Superkupës së Europës, përballë Sevillas./m.b /gijotina.com
Discussion about this post