Festë angleze në Champions League mbrëmjen e sotme, pasi Manchester City dhe Liverpool janë kualifikuar. “Qytetarët” kanë vuajtur, pasi në pjesën e parë të ndeshjes që e dominuan nuk shënuan dot.
Gundogan kishte mundësinë më të mirë, por u ndal nga shtylla pingule në minutën e 30-të të kësaj ndeshjeje. Asnjë gol në 45 minuta dhe Atletico Madrid duhet të hidhej në sulm më pas.
Griezmann iu afrua shumë golit dhe spanjollët u munduan shumë, deri në fund, edhe pse minutat e fundit u ndëshkua Felipe me karton të kuq. Carrasco me një goditje dënimi dhe Correa shkatkuan drithërima te City, por portieri Ederson i shpëtoi anglezët që festuan kualifikimin në finale.
Liverpool ka kryer formalitetet për të kaluar në gjysmëfinalet e Champions League dhe fitorja 3-1 në Portugali kundër Benfica ia kishte dhënë qetësinë e duhur. The Reds në duelin e dytë u treguan bujarë, duke barazuar 3-3.
Skuadra e Klopp e zhbllokoi ndeshjen sërish me Konate në minutën e 21-të, me një goditje me kokë. Portugezët u kundërpërgjigjen shpejt, me Ramos që barazoi në të 32′.
Pjesa e parë përfundoi në barazim 1-1 dhe në pjesën e dytë e mori skenën sulmuesi brazilian Firmino, i cili shënoi dy herë në portën e Benfica dhe me rezultatin 3-1 Liverpool nisi të “lëshonte” pak.
Miqtë me Yaremchuk shënuan golin e dytë, kurse më pas Darwin Nunez arriti të barazonte dhe më as iu afrua edhe golit të katërt me një gjuajtje fluturimthi, por Alisson nuk i la lojtarët e Benfica te mrekullia me pritjen e tij.
Discussion about this post