City në krizë, Guardiola: Nuk jemi mësuar me këtë situatë

Manchester City ndodhet në një krizë totale. “Qytetarët” pësuan një tjetër disfatë, këtë herë nga rivalët direktë në kampionat, Liverpool-i.

Të kuqtë e Arne Slot, fituan me rezultatin 2-0 në shtëpi, pas një ndeshje të dominuar totalisht.

Pas ndeshjes, trajneri i City-t, Pep Guardiola u shfaq i zhgënjyer, duke thënë se duhet gjetur një zgjidhje për të kaluar këtë situatë.

Sipas tij, ekipi nuk është mësuar me këto rezultate dhe kjo po ndikon.

“Duhet ta gjej një zgjidhje për të qenë solidë, mbi të gjitha në sulm. Këta lojtarë ma kanë dhënë mundësinë t’i përjetoj dhe shijoj ndoshta vitet më të mira të jetës sime. Po mundohem ta gjej një zgjidhje. Duhet ta kuptojmë atë që kemi bërë. Lojtarët e duan këtë, ata po vuajnë dhe duan ta bëjnë këtë. Është normale. Nuk jemi mësuar me këtë situatë dhe kjo për shumë arsye. Megjithatë, shumë, shumë gjëra ndodhin. Skuadrat janë të forta dhe ne nuk mund të mos e menaxhojmë këtë moment”, deklaroi Guardiola.

Liverpool mban kryesimin me 34 pikë, ndërsa Manchester City renditet në vendin e pestë me 23 pikë.