Ilkay Gundogan që vendosi të largohej nga Manchester City, krijoi një boshllëk të madh te ky ekip, megjithatë pak javë më vonë Kevin De Bruyne pësoi një dëmtim të rëndë. Një situatë e ndërlikuar për Pep Guardiolën.
Në rastin e belgut, bëhet fjalë për një rikthim të një dëmtimi të kofshës. Pep Guardiola konfirmoi në një nga konferencat për shtyp, se do të jetë i nevojshme një pushim prej 3-4 muajsh për belgun.
Si rezultat, drejtuesit e klubit kampion të Europës, kanë kohë që kërkojnë një lojtar të ri në mes të fushës.
Aksionet e Lucas Paqueta nga West Ham ishin shumë të larta, ndërsa transferimi dështoi për shkak se braziliani ishte i censuruar.
Federata angleze e futbollit është duke e hetuar dhe objekt i këtij hetimi është shkelja e rregullave për lojërat e fatit mes futbollistëve.
Sigurisht, bëhet fjalë për pjesëmarrjen në baste sportive. Këto raportime janë konfirmuar nga media braziliane “O Globo”, e cila shton se hetimi ka të bëjë me baste të vendosura nga llogaritë që i përkasin njerëzve të afërt të lojtarit.
Megjithatë, kjo nuk do të thotë se askush nuk do të shkojë në Manchester City këtë verë. Ne te kundërtën Matheus Nunes nga Wolverhampton Ëanderers është një nga kandidatët për të zëvendësuar De Bruyne, sipas “The Athletic”. Portugezi pritet të jetë shumë lart në listën e dëshirave.
Matheus Nunes iu bashkua Wolves verën e kaluar dhe nënshkroi një kontratë pesëvjeçare, me një opsion për t’u zgjatur për një sezon të mëtejshëm.
Disa muaj më parë ai ishte i lidhur me Liverpoolin, por asgjë konkrete nuk ndodhi.
Në të njëjtën kohë, “The Athletic” thekson se skuadra nga Molineux heziton të shesë një nga lojtarët kryesorë në fund të afatit kalimtar.
Nga ana tjetër, situata financiare e klubit mund ta bëjë të vështirë refuzimin e ofertave tërheqëse. E gjithë kjo e bën transferimin jo të pamundur.
Discussion about this post