Manchester City ka fituar me rezultatin e thellë 5-0 në shtëpi ndaj Arsenal në javën e tretë të Premier League.
Kampionët në fuqi të Britanisë së Madhe shkatërruan keq skuadrën e ‘The Gunners’, të cilët duket se sa vjen e akoma më shumë zhyten në humbjet e tyre.
Mjaftuan vetëm 7 minuta lojë që ‘Citizenët’ të merrnin avantazhin me ndihmën e Gundogan, ndërsa më pas ishte Torres ai që dyfishoi rezultatin për ekipin e trajnerit Pep Guardiola.
Pjesa e parë e takimit u mbyll me rezultatin 3-0 pas golit të Jesus në minutën e 43-të të lojës.
Ndërsa në fraksionin e dytë të këtij takimi ‘Citizenët’ realizuan edhe dy gola të tjerë me Rodrin në minutën e 53-të dhe më pas Torres dyfishoi rezultatin e tij në minutën e 84-t.
E gjithë ndeshja e dominua nga ekipi i teknikut Pep Guardiola, që siç duket ritreguar forcën e kampionëve.
Kjo është fitorja e dytë për Manchester Cityn në tre javë kampionat, ndërsa Arsenal nga ana tjetër sa vjen e rëndohet akoma më shumë duke rrezikuar seriozisht pozitat e trajnerit Mikel Arteta./Gijotina.com
