Manchester City dhe Inter përballen mbrëmjen e sotme në finalen e Champions League, e cila do të luhet në stadiumin “Ataturk” në Stamboll.
Përtej atmosferës së zjarrtë që tifozët e dy skuadrave kanë krijuar në rrugët dhe sheshet e Stambollit, janë publikuar edhe formacionet zyrtare.
Guardiola dhe Inzaghi kanë vendosur që nga minuta e parë të aktivizojnë më të mirët dhe sfida premton spektakël.
Makineria perfekte e anglezëve kërkon trofeun e parë të Champions League, ndërsa në krahun tjetër, zikaltërit ëndërrojnë trofeun e katërt në histori.
Për Citizens kjo është finalja e dytë në 3 sezonet e fundit. Interi rikthehet të luajë një takim të këtij niveli pas 13 vitesh.
Discussion about this post