Ish-konkurrenti i “Për’puthen”, Mevlan Shaba, gjatë një interviste për emisionin “Shqipëria Live”, ka folur për “Big Brother VIP” dhe për Sabianin.
Mevlani njihet prej gati 1 dekade me Sabianin dhe ky i fundit ka thënë nëpër intervista se Mevlani është shumë i vullnetshëm, e do shumë muzikën dhe kanë kimi në bashkëpunim.
Por gjatë emisionit Mevlani thotë se nuk flet më prej kohësh me Sabianin, pasi kanë pasur një mosmarrëveshje.
Ai gjithashtu nuk ka lënë pa thënë që këngëtari është një njeri me zemër të madhe dhe është shumë real, si brenda por edhe jashtë “Big Brother VIP”.
Mevlani: Ne njihemi prej shumë vitesh dhe hyrja e tij ishte e papritur për mua. Nuk flasim prej kohësh, kemi pasur një mosmarrëveshje.
Prezantuesi: Po pse ai është edhe shumë pozitiv, ti e ke krijuar konfliktin?
Mevlani: Po mbase kam gabuar dhe unë, nuk është se ja vendos fajin Sabianit, thjesht kemi pasur disa mosmarrëveshje për çështje pune, por që besoj kur të dali do ti sqarojmë prap.
Prezantuesi: Mos je mërzitur që të ka zëvendësuar me Ilirin?
Mevlani: Jo, Sabiani është një njeri me zemër të madhe, nuk ka lidhje kjo pjesë.
Prezantuesi: Ka vend për dy persona?
Mevlani: Edhe për më shumë. Di të them që më pëlqen shumë sjellja e tij, se është shumë real, unë e njoh edhe nga jashtë, si po sillet aty brenda është edhe në jetën reale.
Prezantuesi: Ai ka krijuar një miqësi me Ilirin, sa e mbron edhe kur nuk ka të drejtë a mos e penalizon kjo gjë?
Mevlani: Në një shtëpi me shumë njerëz shoqëria duhet, le ta themi në thonjëza dhe për interes, se nuk mund të konkurrosh i vetëm shumë persona.
Prezantuesi: Ti me kë do krijoje miqësi?
Mevlani: Nuk bëj plane. Sigurisht me Sabianin përkrah do ishte ndryshe se e njohim njëri-tjetrin shumë mirë.
Discussion about this post