Ç’kuptim kishte fjongoja blu e disa artistëve gjatë tapetit të kuq të Oscars 2022?

Disa personazhe të famshëm po përdorin Academy Awards 2022 për të treguar mbështetjen e tyre për krizën aktuale të refugjatëve në Ukrainë.

Jaime Lee Curtis, Diane Warren dhe Yuh-Jung Youn janë disa nga artistët që u panë të veshur me fjongo blu, teksa po ecnin në tapetin e kuq për shfaqjen e madhe të çmimeve. Hashtagu #WithRefugees është i shkruar në pjesën e përparme me ngjyrë të bardhë.

Shiritat janë një partneritet me të famshmit dhe Komisionerin e Lartë të Kombeve të Bashkuara për Refugjatët, i cili shpreson të sjellë më shumë ndërgjegjësim për krizën aktuale të refugjatëve, veçanërisht pasi qytetarët ukrainas po ikin nga pushtimi rus.

Agjencsa postoi hashtag-un dhe postoi një foto me një çmim me mbishkrimin, “Dhe #Oscars për mbrojtësin më të mirë të refugjatëve shkon për… të gjithë ata që qëndrojnë #WithRefugees. Faleminderit për mirësinë tuaj.”

Përpara ceremonisë, CNN raportoi se producentët e Oscars zbuluan se ata do të “pranonin me respekt” krizën aktuale në Ukrainë gjatë shfaqjes.

“Kjo është një kohë vërtet e rëndësishme në historinë e njerëzimit dhe ne jemi shumë të vetëdijshëm për këtë,” tha producenti Will Packer.

Burimi: Cosmopolitan