Ish-Presidenti amerikan Bill Clinton u nderua me medaljen “Ylli i Mirënjohjes” nga Kryeministri Edi Rama, në një ceremoni të organizuar në bulevardin “Dëshmorët e Kombit”, përballë godinës së Kryeministrisë.
Në ceremoni ishin të pranishëm zyrtarët më të lartë të shtetit, deputetë, ministra dhe të ftuar të tjerë, ndërsa në momentet e fundit u njoftua mungesa e Presidentit Bajram Begaj për shkak të një problemi shëndetësor.
Mes personazheve të ftuar ishte edhe Alex Soros, i cili ndodhej në rreshtat e parë të të ftuarve, ndoshta me një status special.
Alex pati një takim shumë të përzemërt me Erion veliaj, madje një përqafim shumë miqësor, pa shumë rregulla protokollare, edhe pse organizatorët e ceremonisë ishin kujdesur që të ruanin një protokoll gjatë ceremonisë së nderimit të Clinton.
E ndërsa Veliaj shfaqet i entuziazmuar që takoi mikun e tij, Clinton shmangu takimin me Alex Soros, ndërsa takoi ish-Presidentët e Shqipërisë, Topi, Mejdani e Moisiu të pranishëm në ceremoni.
Pas kësaj nisën interpretimet, nëse vizita e Clinton në Shqipëri ishte organizuar nga Alex Soros, dhe ish-Presidenti nuk kishte pse ta takonte, apo ishte një shpërfillje e tij ndaj personazhit që ka marrë nën kontroll perandorinë financiare të George Soros.
Nuk dihet nëse vizitën e Clinton në Tiranë e organizoi Alex Soros, apo ish-Presidenti e kishte programuar për të vizituar një vend, ku bashkëshortja e tij, Hillary Clinton, pati një pritje të shkëlqyer në 2010, vizitë kjo që duket se ka mbetur gjatë në mendjen e Bill Clinton, përderisa edhe sot e përmendi.
Discussion about this post