Aleanca për Mbrojtjen e Teatrit dorëzoi në Prokurorinë e Posaçme të Hetimit dhe Antikorrupsionit detaje të reja që lidhen me shembjen e Teatrit Kombëtar.
Aktori i njohur, Mehdi Malkaj është shfaqur i revoltuar ndaj mungesës së reagimit të shoqërisë shqiptare ndaj shumë ngjarjeve të rënda dhe korruptive që ndodhin në vend. Malkaj reagoi i zemëruar teksa tha se shqiptarët ndjekin telenovelat turke dhe kanë harruar historinë dhe problemet e përditshme të Shqipërisë.
“Duke dhënë më shumë telenovela turke, populli shqiptar tani di më shumë rreth historisë turke sesa rreth historisë së vetë. Po ju them një histori të Sulejmanit të Madhërishëm, i cili një ditë i dërgon një letër një filozofi ku e pyet se si do ishte fati i perandorisë së tij. Filozofi ju përgjigj: “E ç’më duhet mua?”
Sulltani zemërohet dhe shkon e merr me forcë filozofin dhe e sjell në sarajet e tij. Më pas e pyeti përse iu përgjigj në këtë mënyrë.
Filozofi i tha: “A më pyete sesi do vejë perandoria jote? Unë t’u përgjigja ‘ç’më duhet mua’. Atëherë iu përgjigj: ‘Po ti thua se ç’më duhet mua për korrupsionin, ç’më duhet mua për burokracitë, prandaj fati i perandorisë do jetë keq e më keq në këtë mënyrë”.
E thashë këtë se të gjithë shqiptarët thonë ç’më duhet mua se u prish teatri, ç’më duhet mua kur kryeministri është i korruptuar, ç’më duhet mua kur fëmijëve u hidhet gaz lotsjellës. Po ç’më duhet mua, ju bëni ç’të doni!” deklaroi aktori i njohur.
Teatri Kombëtar u shemb me 17 maj 2020, ndonëse qytetarë të shumtë dhe artistë që vepronin në këtë godinë e kundërshtuan deri në fund. Pas shembjes artistët që ishin kundër këtij vendimi formuan Aleancën për Teatrin duke e ndjekur në rrugë ligjore shembjen e godinës.
Discussion about this post