Policët keqpërdorin armët e zjarrit në orarin e punës dhe Komisariatet javëve të fundit janë shndërruar në skena krimi.
Ditën e sotme gijotina.com ka evidentuar një rast ku dy policë të veshur civilë gjatë orarit të punës për pak janë konfliktuar me një shofer automjeti i cili dyshohet se u ka gërvishtur makinën.
Siç shihet edhe në videon e siguruar nga gazetarët e gijotinës dy policët të cilët duken të revoltuar nxjerrin armën dhe ndalohen nga polici i patrullës.
Ata afrohen drejt makinës ku ndodhej shoferi që dyshohet se u gërvishti mjetin dhe nxjerrin armën në formë kërcënimi.
Ky është rasti i tretë i shënuar brenda pak ditëve, ku protagonistë kanë qenë efektivët e policisë.
Kujtojmë që vetëm dy ditë më parë efektivi 25- vjeçar Lubjan Zaimi vrau me armë zjarri në komisariatin nr.6 Tiranë kolegun 55-vjecar Çaush Saliasi.
Ngjarja ka ndodhur pas një konflikti të çastit, ku i riu pretendon se 55-vjecari e kishte ofenduar.
Nga hetimet e deritanishme, mësohet se Zaimi përdorte ilaçe antidepresivë dhe kishte 1 vit e gjysmë si polic patrulle në komisariatin e Tiranës.
Discussion about this post