Todd Boehly është një biznesmen me shifra të mëdha. Bashkëpronari i Los Angeles Dodgers dhe aksioneri i Lakers hyri me forcë në Premier League në maj. Së bashku me Behdad Eghbali (Clearlake Capital), Mark Walter dhe Hansjoerg Wyss, blenë Chelsean nga Roman Abramovich për 5000 milionë euro, blerja më e madhe e një klubi futbolli në histori.
Talentet
“Angazhimi ynë është të marrim sa më shumë talente, duke investuar në planin afatgjatë”,- ka rrëfyer Boehly. Ai nuk ka humbur kohë që kur ka qenë në krye të ‘bluve’: fillimisht ai ristrukturoi menaxhimin e klubit, drejtoresha Marina Granovskaia, presidenti Bruce Buck, këshilltari teknik Petr Cech… u larguan nga klubi dhe më pas ai u trondit tregu.
Nenshkrimet
Në verë ai nënshkroi Fofana (80.4), Cucurella (65.3), Sterling (56.2), Koulibaly (38), Chukwuemeka (18), Aubameyang (12), Slonina (9.1) për 282 milionë euro dhe Zakaria (huazim për 3). Asnjë ekip në Europë nuk arriti shpenzimet e tij… por nuk mjaftoi: Chelsea e shkarkoi Tuchelin pas fillimit të tij të parregullt dhe disa fërkimeve. “Ne nuk ishim të sigurt që Thomas ndan vizionin tonë,”- tha Boehly në një konferencë. Gjithsesi, ardhja e Potter nuk e drejtoi marshimin blu: ata janë të dhjetët, 10 pikë prapa Champions League. Një krizë që duan ta rregullojnë në treg.
Investimet
Me Christopher Vivell, ish-drejtor sportiv i RB Leipzig dhe Paul Winstanley, ish-drejtues i skautingut për Brighton, Chelsea ka investuar 178.5 milionë në janar në Mudryk (70+30), Badiashile (38), Madueke (35), Andrey Santos (12.5), Datro Fofana (12) dhe Joao Félix (11, huazim). Ata kanë shpenzuar më shumë se katër ligat e tjera të mëdha së bashku! Midis Bundesligës (49.4), LaLiga (24.1), Ligue 1 (19.3) dhe Serie A (9) ata mezi shtojnë 101.8 milionë. Edhe shtimi i Primeira Liga (22.3) dhe Eredivisie (17) nuk i jep (141).
31 lojtarë dhe 460.5 milionë në ‘epokën’ Boehly
Chelsea është skuadra e parë në histori që kalon shifrën 400 milionë në një sezon. 460.5 milionët e shpenzuar për 14 futbollistë u shërbejnë atyre për të bërë një njëmbëdhjetëshe të plotë dhe për të kaluar investimin e tre sezoneve të fundit të Abramovich (410.2).
Rekordmene
Ata janë gjithashtu rekordmenë si klub. Vetëm Barcelona (380.1 milionë në 2017-18), Real Madrid (355.5 në 2019-2020) dhe City (317.5 në 2017-18) e kishin thyer tavanin e 300. Boehly e ka bërë këtë të thyer para se të përfundonte tetë muajt në Bridge. Dhe ata mund të marrin edhe më shumë duke zgjeruar një skuadër të mbivendosur në dhomën e tyre të zhveshjes. Ata kanë 31 lojtarë! Pse firmosin kaq shumë?
Kieran Maguire, profesor dhe menaxher i portalit ekonomik Price of Football, shpjegon në MARCA modus operimi të ‘bluve’: “Ata kanë shpërndarë koston me kontrata jashtëzakonisht të gjata. Sipas rregullave, 100% e shitjes së një lojtari llogaritet për Fair Play sigurisht, por kostoja e blerjes shpërndahet ndër vite të obligacionit”.
Klubet e tjera kanë një strategji afatgjatë. Nëse futbollistët e Chelsea kanë nënshkruar shkojnë keq, ata do të qëndrojnë me ta për një kohë të gjatë. Është një bast i lartë dhe i rrezikshëm. Mudryk (2031) dhe Badiashile (2030) e tregojnë këtë filozofi…
Discussion about this post