Inflacioni ka shënuar rritje të shpejtë gjatë muajt mars dhe si pasojë edhe çmimet e ushqimeve janë rritur në mënyrë të frikshme. Në raportin e publikuar nga Instituti i Statistikave evidentohet se në muajin që lamë pas inflacioni kulmoi në 5.7%. Kjo bëri që çmimet e produkteve të rriten me 9.3%, krahasuar me një vit më parë. Raporti tregon se indeksi në tërësi i çmimeve u rrit me 45 në raport me mars 2021.
Më tutje, INSTAT raporton se Rritja vjetore e çmimeve në muajin Mars është ndikuar kryesisht nga grupi “Ushqime dhe pije joalkoolike” me +3,31 pikë përqindje, pasuar nga grupi “Transporti” me +1,08 pikë përqindje. Çmimet e grupit “Qira, ujë, lëndë djegëse dhe energji” me +0,44 pikë përqindje. Çmimet e grupit “Pije alkoolike dhe duhan” me +0,24 pikë përqindje.
Ndërkohë kanë pësuar rritje të lartë zëri i shërbimeve, i akomodimit dhe arsimi “Çmimet e grupit “Hotele, kafene dhe restorante” me +0,19 pikë përqindje. Çmimet e grupit “Argëtim dhe kulturë” me +0,12 pikë përqindje. Çmimet e grupit “Mobilje, pajisje shtëpie dhe mirëmbajtje e shtëpisë” kanë kontribuar me +0,10 pikë përqindje. Çmimet e grupeve “Veshje dhe këpucë” dhe “Komunikimi” kanë kontribuar me +0,06 pikë përqindje secili. Çmimet e grupeve “Mallra dhe shërbime të ndryshme” kanë kontribuar me 0,05 pikë. Çmimet e grupit “Shërbimi arsimor” kanë kontribuar me 0,02 pikë”, thuhet në raport. Ndërsa i dyti pas ushqimeve, qëndron sektori i transportit me 9% rritje në një muaj.
Discussion about this post