Sipërmarrësi gjerman, Markus Shon, është i gatshëm të financojë transferimin e Kristiano Ronaldos nga Al-Naser te Bajern Mynih. 48-vjeçari gjerman operon në fushën e artikujve “online” “Buero.de”.
Ai ka kontaktuar shefin e Bajernit, Oliver Kahn, rreth mundësisë për të nisur manovrat zyrtare. “E marr përgjegjësinë e kostos që klubi ku Ronaldo aktivizohet ta lërë të lirë drejt Mynihut. Sigurisht i premtoj luzitanit rrogë më të shtrenjtë se ajo që përfiton në Arabi”, ishte mesazhi surprizues i Shon në “Abendzeitung Munich”.
Personazhi në fjalë e admiron Kristianon, sikurse mbështetja e pakufishme karshi Bajernit. Megjithatë, Kristiano nuk është çështje e re në “Allianz Arena”. Verën që kaloi ish-lojtari i Junajtidit u laku si zëvendësues i Levës, por bordi i rekordmenëve nuk e shikoi si alternativë të denjë zbarkimin e 38-vjeçarit, marrë në konsideratë karakteristikat dhe moshën e 5 herë fituesit të “Topit të Artë”.
Discussion about this post