Kushtet atmosferike mbi vendin tonë priten të përkeqësohen ndjeshëm nesër. Sipas Shërbimit Meteorologjik Ushtarak ditën e mërkurë priten rrebeshe shiu dhe breshër, si pasojë e depërtimit të masave ajrore më të freskëta dhe të lagështa me origjinë verilindore.
Deri në orët e mesditës moti parashikohet me kthjellime dhe vranësira kalimtare më pas do të ketë shtim të vranësirave.
“Vranësirat do të shoqërohen me reshje shiu të herëpashershme me intensitet të ulët deri mesatar duke filluar nga zona e veriut për tu shtrirë më pas edhe në pjesën tjetër të territorit.
Hera-herës dhe në periudha afatshkurtra reshjet me intensitet deri të lartë në formën e rrebesheve dhe stuhive shoqëruar me shkarkesa elektrike dhe breshër.
Era do të fryjë me drejtim verilindje – veriperëndim me shpejtësi mesatare 1-8m/sek ndërsa përgjatë vijës bregdetare dhe zonat luginore dhe kryesisht orët e mbrëmjes era intensive dhe shpejtësi deri në 13-17m/s.”-thuhet në njoftimin e Shërbimit Meteorogjik Ushatarak.
Temperaturat parashikohen:
në zona malore 12 deri 24°C
në zona e ulëta 12 deri 29°C
në zona bregdetare 14 deri 27°C
Discussion about this post