“Çmendet” moti, reshjet përmbytin rrugë dhe shtëpi në këto qytete shqiptare

Pavarësisht se jemi në mes të verës, një mot i pazakontë ka përfshirë disa zona të Kosovës. Siç duket dhe në pamjet e siguruara, reshjet e dendura të shiut kanë përmbytur lagjet kryesore të disa prej qyteteteve më të rëndësishme të Kosovës.

Shiu ka shkaktuar dëme të shumta materiale. Kanë mjaftuar disa orë reshje që rrugë të tërë të notojë në ujë dhe të vështirësohet qarkullimi i mjeteve. Por në zona si Ferizaj, Kaçanik, Viti, uji ka shkaktuar mjaft dëmë dhe ka përmbytur edhe banesa, duke vështirësuar jetën e banorëve të këtyre zonave.

Pavarësisht ndërhyrjes dhe punës së ekipeve të emergjencës, gjendja ka qenë mjaft e rëndë në tre qytetet e sipërpërmendura.Siç duket dhe nga fotot, uji ka përmbytur totalisht rrugët, ndërsa për shak të erërave të forta janë rrëzuar dhe pemë.