Forcat e sigurisë së regjimit islamik në Iran kanë qëlluar për vdekje një tifoz futbolli. Dyshohet se i riu po festonte humbjen e Iranit ndaj Shteteve të Bashkuara të Amerikës, ndeshje kjo e zhvilluar mbrëmë në “Katar 2022”.
Mehran Samak, 27 vjeç, thuhet se u qëllua në kokë në qytetin e Anzali, në Iranin lindor, nga agjentët e qeverisë pasi ai i ra borisë së makinës së tij për të festuar humbjen 1-0 të ekipit kombëtar iranian.
Samak ishte ulur në makinën e tij pranë të fejuarës së tij, kur një pjesëtar i forcave të sigurisë së Iranit iu afrua makinës së tyre dhe e qëlloi tifozin e futbollit me një plumb në kokë, raporton Iran International. Ai u dërgua me urgjencë në spital por ndërroi jetë brenda një ore.
Samak ishte bashkuar me dhjetëra iranianë të tjerë në të gjithë vendin, të cilët festuan humbjen e ekipit kombëtar ndaj Shteteve të Bashkuara mes zemërimit në rritje kundër regjimit islamik.
Discussion about this post