Një shqiptar ka sulmuar dhunshëm një klient në një lokal në jug të Trentos për t’i grabitur atij mallra me vlerë rreth 50.00 euro. lavocedeltrentino shkruan se sulmi ishte shumë i dhunshëm dhe se grabitësi ka kafshuar një pjesë të madhe të veshit të viktimës. Ai nuk u kufizua në këtë akt brutal por më pas e ka shtrënguar nga qafa deri sa ka rënë pa ndjenja. Më pas e ka goditur me grusht në kokë dhe fytyrë. Vetëm ndërhyrja e klientëve dhe e disa kalimtarëve që kaluan në zonë, shmangën më të keqen.
Një patrullë e Njësisë Hetimore ka kaluar rastësisht në zonë dhe menjëherë agjentët u angazhuan në rindërtimin e fakteve siç ishin kryer. Episodi, i cili krijoi një alarm të veçantë social tek qytetarët e rrethit në jug të Trentos, pa një bashkëpunim të frytshëm në kohë nga ana e qytetarëve që nuk ishin në dijeni të fakteve.
I gjithë departamenti i policisë vendore që ndërhyri, u angazhua menjëherë, i koordinuar nga prokurori publik kujdestar, në një hetim që bëri të mundur identifikimin e autorit. Për të, Prokurori Publik ka kërkuar dhe marrë masën e paraburgimit nga gjyqtari për Hetimet Paraprake, duke ia besuar ekzekutimin efektivëve të policisë vendore.
Pak orë pas dhënies së masës së sigurimit ndaj shtetasit shqiptar , agjentët e Njësisë Hetimore të Policisë vendore e vunë në gjurmët e tij dhe e arrestuan, duke e penguar në këtë mënyrë subjektin të përsëriste sulme të ngjashme.
Discussion about this post