“Çmendet” Veliaj, tender 57 milionë lekë për mirëmbajtje printerësh

Mirëmbajtja e pajisjeve të fotokopjimit, printimit dhe skanimit nuk është një procedurë dhe aq e lehtë. Nëse bëhet fjalë për Drejtorinë e Përgjithshme të Taksave dhe Tarifave Vendore Tiranë, kjo gjë nuk mund të ndodhë pa shpenzuar 5.7 milionë lekë të rinj. Këto para rrjedhin pikërisht nga taksat e qytetarëve shqiptarë.

Çfarë ka ndodhur konkretisht?

Veliaj nuk ka ndërmend të heq dorë nga tenderët e dyshimtë, konkretisht ata pa garë apo me vlera të pajustifikueshme. Së fundmi, bëhet fjalë për tenderin e mirëmbajtjes së fotokopjeve, skanerëve apo printerëve në Drejtorinë e Përgjithshme të Taksave dhe Tarifave në Tiranë me fondin limit 5.833.333,00 lekë të rinj.
Në garë ka qenë vetëm një kompani, e cila është shpallur dhe fituese. Bëhet fjalë për Kallfa Sh.p.k me administrator Gëzim Kallfën. Tenderi është njoftuar në datën 12 tetor të këtij viti, ndërsa fituesi është zgjedhur në 2 nëntor.
Ajo çka vihet re është se dhe ky tender, ashtu si pjesa më e madhe e atyre ku përfshihet Erion Veliaj është pa garë. Gjithashtu shuma e cila është ofruar nga firma kontraktuese është e pajustifikueshme pasi bëhet fjalë për 5.725.969,00 lekë të rinj pa TVSH.
Lind pyetja, a janë me qindra pajisje ato të cilat do të mirëmbahen?
Sërish nuk mund të justifikojnë shumën e madhe që del nga xhepat e qytetarëve nëpërmjet Veliajt, tashmë i njohur për mjeshtërinë e tij në dhënien e tenderëve.

Open data, si shumë tenderë të Veliajt edhe këtë e ka cilësuar me flamur të kuq për mungesë gare, por këtu duhet shtuar dhe pika tjetër, vlera e lartë e cila nuk justifikon shërbimin. Kjo pasi bëhet fjalë vetëm për një drejtori, e cila ka një numër normal të pajisjeve. Kontrata është më vlerë 1-vjeçare e me anë të një llogaritje të shpejtë, rezulton se në muaj do të shpenzohen 4 milionë e 777 mijë lekë të vjetra. Me këtë shumë, mund të bëhej zëvendësimi i të gjitha pajisjeve të sipërpërmendura dhe të mos kishte më problem për Veliajn.

Pra këtu kemi të bëjmë me një tjetër tender të “fryrë” megjithëse Veliaj nuk zhgënjen as këtë herë.