Çmenduri! 42-vjeçari plagos dy persona me armë zjarri për motiv qesharak

Një person i dyshuar është arrestuar gjatë së martës në Vushtrri.

Policia e Kosovës njofton se arrestimi i të dyshuarit është bërë pasi vetë personi pas një mosmarrëveshje të çastit të ndodhur në fshatin Maxhunaj, me armë zjarri ka plagosur dy njerëz.

“Si pasojë e lëndimeve dy viktimat A. I., 28 vjeçar dhe E. O., 35 vjeçar, janë dërguar për trajtim mjekësor në QKUK”, njofton më tej Policia.

Në cilësi të provave materiale janë sekuestruar dy gëzhoja ndërsa nga i dyshuari është sekuestruar një armë e llojit pistoletë.

Me vendim të prokurorit, të dyshuarit S .Z., 42 vjeçar, shtetas i Republikës së Kosovës i është caktuar masa e ndalimit policor.