Çmenduri në Elbasan/ Penalltitë vendosën fatin e Egnatia-Ararat

Ishte ruleta e penalltive ajo që vendosi fatet e duelit të çmendur mes shqiptarëve të Egnatias së Rrogozhinës dhe ekipit të Ararat-Armenia.

Klubi nga Rrogozhina i dha lamtumirën kompeticionit europian, pas humbjes me penallti, përballë klubit armen.

Në të tre rastet, që vendasit kaluan në avantazh, at u barazuan pothuajse menjëherë, kjo falë gafave deri diku, të “çuditshme” të mbrojtjes së Egnatias.

Në 90 minutat e kohës së rregullt, sfida u mbyll në barazim 2-2, me golat që u realizuan nga Medeiros dhe Kasa për Egnatian, ndërsa për Ararat-Armenia shënuan Eze dhe Castanheira.

Në kohën shtesë u konsumua e tërë drama, konkretisht në pjesën e dytë të saj.

Në fillim, Egnatia shënoi golin e tretë me Duamena, megjithatë Ararat, barazoi menjëherë, falë gabimit trashanik të portierit vendas, Sherri.

Për të bërë gjërat më keq, Ararat shënoi dhe golin e katërt, në minutën e 114’, me Bueno.

Megjithatë, rrogozhinasit nuk u dorëzuan, duke barazuar në “extremis” me Duamena, gol që e dërgoi sfidën me penallti.

Në serinë e 11-metërshave, fati i buzëqeshi klubit të Ararat. Me këtë fitore, ata kualifikohen në turin e dytë të UEFA Europa Conference League./m.b /gijotina.com