Çmim marramendës/ Teksti i shkruar me dorë nga David Bowie në ankand

Një fletë, ku është shkruar me dorë një tekst nga ikona e muzikës, David Bowie, pritet të vlerësohet nga 50.000 deri në 115.000 euro.

Fleta e shkruar për këngët “Rock ‘n’ Roll Suicide” dhe “Suffragette” ka dalë ditën e sotme në ankand.

Të dyja këngët janë paraqitur në albumin e Bowie të vitit 1972 “The Rise and Fall of Ziggy Stardust and the Spiders from Mars”. Fleta përfshin edhe korrigjimet, draftet dhe shënimet e Bowie.

Rikujtojmë, se Bowie u nda nga jeta në vitin 2016 në moshën 69-vjeçare pas një beteje me kancerin në mëlçi. Kjo nuk është hera e parë që artikujt e këngëtarit dalin në ankand.

Kujtojmë që vitin e kaluar, u shit katalogu i tij i botimeve “Warner Chappell Musi” për 250 milionë dollarë. “Të gjithë ne në Warner Chappell jemi jashtëzakonisht krenarë që pasuria e David Bowie na ka zgjedhur të jemi kujdestarët e një prej katalogëve më novator, me ndikim dhe më të qëndrueshëm në historinë e muzikës”,tha bashkëkryetari dhe CEO i “Warner Chappell Music”, Guy Moot në një deklaratë në janar 2022.