Një nga fanellat e Zinedine Zidanes, e cila ishte për finalen e Botërorit 1998 është shitur për një shifër më të lartë se 100 mijë dollar.
Ndonëse nga FIFA dhe UEFA është konfirmuar se fanella ishte origjinale, organizatorët e ankandit nuk kanë mundur të vërtetojnë nëse ajo është veshur nga Zidane në atë përballje historike që u fitua 3-0 nga Franca, ku Zidane shënoi 2 gola në pjesën e parë.
Rikujtojmë se në tetor të 2018-ës, shoqëria pariziene e ankandeve, Coutau-Be’garie, u detyrua të tërhiqte një fanellë të paraqitur si të Zidane, pasi pati dyshime për origjinalitetin e saj.
Fanella që u shit këtë të djelë kapi shifrën e saktësisht 108 800 dollarë (92.200 euro) nga Julien’s Auctions, që e kishte vlerësuar nga 80 000 deri 120 000 dollarë./Sportzona.al
