Kryeministri Edi Rama ka replikuar me komentuesit në Facebook për rritjen e çmimit të naftës, ku këta të fundit i kërkojnë llogari se përse shteti nuk ndërhyn me politika lehtësuese, ndërsa i kërkojnë të anulojë kontratat për shitjet e naftës
Rama justifikohet para komentuesit duke thënë se kjo praktikë nuk sjell rezultat, ndërsa shton se nafta që prodhojmë është e rëndë prandaj nuk e përdorim, por eksportohet për bitum.
Komentuesi: Anulo të gjitha kontratat që keni me të huajt që shfrytëzojnë puset e naftës tonë. Të mos dal asnjë pikë naftë jashtë vendit. Të përpunohet dhe të shitet në vend nafta jonë. Bëje nëse e do vërtet atë vend, dihet që prishja e kontratave ka edhe gjoba, por sado të jetë gjoba nuk do kushtoj aq sa dëmi i përditshëm që ndodh me puset tona. Bëje nëse do të mbahesh mend. Norvegjia nuk nxirrte asnjë pik nafte nga puset e veta, në kohën kur nafta ishte e lirë në tregun ndërkombëtar dhe erdhi dita që të shfrytëzoj rezervat e veta. Ky është shteti që e do popullin dhe fëmijët e vet.
Rama: Këto nuk ndodhin në asnjë vend demokratik dhe nuk kanë asnjë lloj rezultati pozitiv sikundër tregon eksperienca e atyre vendeve që kohë më parë i kanë hyrë kësi aventurave, ndërkohë që Shqipëria nuk ka shumë kontrata me të huaj për shfrytëzim të fushave të naftës që të jemi të qartë, ndërkohë që nafta jon është naftë e rëndë e cila eksportohet jo për dizel apo benzine, po për bitum!
Discussion about this post