Çmimet e ushqimeve kanë shënuar nivelin më të lartë në 10 vitet e fundit dhe kjo po bën një qytetarët të konsumojnë gjithmonë e më pak. Në lidhje më këtë çështje ka folur sot ekspertja e ekonomisë Elona Shehu, e cila tha se paketa e re fiskale që do të aplikohet në 2022 do të nxisë edhe më shumë rritjen e çmimeve. Sipas saj, kërkohet menjëherë ndërhyrja e Bankës së Shqipërisë për të stabilizuar inflacionin. “Me hyrjen në fuqi të paketës së re fiskale shpjegojnë ata shtrenjtimi i mëtejshëm i tyre është i pashmangshëm. Është një sinjal që banka në vetvete duhet të marrë hapa për ta normalizuar situatën sepse nuk kemi të bëjmë me faktorë të përkohshëm, nuk kemi në prapavijë një rritje të kërkesës që ka çuar në këtë rritje çmimesh. Edhe bankat qendrore të vendeve të tjera janë duke rishikuar politikat e tyre”, shpjegon Shehu.
Më tutje ajo tha se, në muajt e parë të viti 2022 do të shihet rritje e lartë e çmimeve dhe kjo po bëhet e pashmangshme. “Flasim për pamundësi për konsumuar s pasojë e zhvlerësimit, pamundësi për të konsumuar në nivelet e mëparshme si pasojë e mosrritjes së të ardhurave, ndërkohë që çmimet sa vijnë e rritjes ndërkohë që jemi në prag festash. Do kemi një rritje çmimesh të vazhdueshme të çmimeve qoftë edhe artificialisht. Kemi një tejkalim të normës së objektivit të inflacionit që nuk vjen nga rritja e kërkesës por nga rritja e çmimit të faktorëve prodhues”, tha ajo, duke kërkuar qe qeveria të bëj më shumë kujdes me hapat që merr në këtë kohë krize.
Discussion about this post