Kryeministri i vendit, Edi Rama, e ka nisur ditën e sotme sërish me një sërë justifikimesh për kaosin, në të cilin ka zhytur vendin. Ai ka postuar një video në Facebook, ku shfaqet duke vlerësuar punën e sistemit shëndetësor në përballimin e pandemisë së koronavirusit, që shënoi dy vite nga regjistrimi i rastit të parë në Shqipëri.
Kreu i qeverisë ka shkruar se sistemi ynë shëndetësor mbajti peshën e një tragjedie që vjen një herë në 100 vjet. Ndër të tjera, Rama duke ia hedhur “fajin” luftës për krizën ekonomike në vendin tonë, vazhdon të mburret dhe thotë se qeveria do ta përballojë këtë.
“Mirëmëngjes dhe më këtë video që tregon se si falë vetëmohimit të stafeve mjekësore e investimeve domethënëse, sistemi ynë shëndetësor e mbajti peshën e një tragjedie si pandemia që vjen një herë në 100 vjet, si edhe me bindjen se me të njëjtin vullnet e durim, do të mund t’i përballojmë edhe krizën energjetike bashkë me pasojat e luftës së egër në Ukrainë, ju uroj një ditë të mbarë”, shkruan kryeministri Rama. Kujtojmë se një ditë më parë Rama tha i prerë se çmimi i energjisë do vazhdojë të rritet, ndërsa çmimi i naftës nuk ka për t’u ulur.
Discussion about this post