Sekretariati Ndërkombëtar për Energjinë ka publikuar sot një raport, përmes të cilit tregon se rreth 37% e familjeve shqiptare po përjetojnë varfëri energjitike për shkas se nuk arrijnë të garantojnë ngrohjen duhur në shtëpitë e tyre. Sipas këtij studimi, përllogaritet se rreth 272 mijë familje në Shqipëri janë në varfëri energjetike. Shkaku kryesor është situata ekonomike, dhe më e prekur janë pensionistët.
“Pjesa më e lartë e familjeve që nuk janë në gjendje të mbajnë shtëpinë e tyre në mënyrë adekuate të ngrohtë janë ato me një person të rritur 65 vjeç ose më të vjetra. 55% e familjeve të tilla nuk janë në gjendje ta mbajnë shtëpinë e tyre të ngrohtë në mënyrë adekuate”, thuhet në raport.
Përmes këtij raporti rekomandohet rritja e eficencës energjetike në banesat e familjeve të varfra, të ndërrohen pajisjet elektro-shtëpiake të vjetra si dhe të mbështeten burimet e rinovueshme të energjisë elektrike.
Discussion about this post