Në një kohë që Shqipëria po vuan ndjeshëm rritjen e çmimeve, ministrja e Financave Delina Ibrahimaj ka deklaruar se ekonomia ka ecur me ritme pozitive. Jashtë realitetit, ajo u shpreh se rritja ekonomike e 9 mujorit është 4.23% më shumë në krahasim me vitin e kaluar.
Ibrahimaj: Efektet e krizës janë ndjerë, normat e larta të inflacionit në ngadalësim të importeve apo eksporetve të ndikuara nga ato produkte që kanë pasur rritjen më të madhe të çmimeve, në përgjithësi viti ka shfaqur ecuri pozitive ekonomike she shifrat më të fundit të INSTAT e tregojnë më së miri. Për 3 mujorin e tretë shifrat tregojnë që rritja ishte 4.02% duke çuar rritjen e 9 mujorit në 4.23% në krahasim me vitin e kaluar
Këto janë rritje reale të ekonomisë dhe janë të zhveshura nga ndikimet e çmimeve. Pritshmëria jonë për mbylljen e vitit 2022 vijon të mbetet 3.7% dhe ecuria e treguesve të 3 mujorit të kartë vijo të mbështesë këtë ecuri ekonomike.
Ministrja duke krahasuar Shqipërinë me vendet e rajonit tha se vendi ynë ka pasur rritjen më të lartë.
Ibrahimaj: Kosova është rritur me 2.7%, Maqedonia e Veriut me 2%, Mali i Zi me 2.8% dhe Serbia me 1% krahasuar me Shqipërinë që është rritur me 4%. Ka pasur një ngadalësim të rritjes në të gjitha vendet e rajonit në krahasim me 3 mujorin e dytë të vitit.
Discussion about this post