Çmimet e energjisë, naftës dhe ushqimeve në vendin tonë po rriten në hapa të frikshme, duke zhytur në krizë qytetarët. Për këtë arsye, ditën e sotme në orën 17:00, qytetarët kanë lajmëruar që do të zhvillojnë një protestë kundër rritjes së çmimeve që ditët e fundit nuk po njeh limit. Kjo gjë u bë me dije fillimisht nga avokati Adriatik Llapaj, por tashmë, të gjithë ata që do të marrin pjesë në protestën përballë Kryeministrisë.
Nafta ka shënuar një tjetër rekord një litër kushton 260 lekë. Qytetarët i bëjnë thirrje qeverisë të marrë masat, por kjo e fundit vetëm kërkon të shfajësohet dhe largojë përgjegjësisë. Kujtojmë se ditën e djeshme Kryeministri Edi Rama dhe ministrja Belinda Balluku dolën në një konferencë për mediat duke thënë se shkaku i rritjeve është lufta në Ukrainë, ndaj iu kërkuan qytetarëve që të kursejnë, mos ndezin dritat apo përdorin makinën. Me pak fjalë, edhe qeveria na la në mëshirë të fatit.
Por, në fakt as vetë në Ukrainës nafta dhe energjia nuk janë kaq shtrenjtë sa në vendin tonë. Madje po të marrësh vlerat e bursës, shumë pak vende janë në të njëjtin nivel me ne, por Shqipëria renditet në një nga vendet me kosto shumë më të larta sot, ndërsa të ardhurat kanë mbetur në vend numëro që nga 2018.
Discussion about this post