Të gjitha produktet ushqimore në vendin tonë janë rritur prej dy javësh, duke shkruar 20 deri në 30 lekë më shumë se një muaj më parë. Të shqetësuar për këtë fakt dhe të irrituar që qeveria nuk mendon për ta qytetarët shprehen për mediat se ndodhen në situatë të vështirë.
Sidomos pensionistët, ata janë edhe kategoria më e prekur, të cilët shprehen se me pensionin që marrin nuk mund të paguajnë dot as ilaçet dhe tani po kursejnë edhe në ushqimet bazë.
Disa prej tyre shprehen se ndihmohen nga fëmijët që kanë në emigracion, ndërsa të tjerët janë në mëshirë të fatit.
“Më shumë domatja, spinaqi i fshatit. Janë rritur me 20 lekë më shumë. Ishte ngrit veza, makaronat e vaji, të gjitha. Nuk e di ku do shkojmë. Rrofshin kalamajtë që kemi jashtë. Se me 150 mijë lekë ia del?”, shprehen ata.
Tregtarët shprehen se rritja e çmimeve ka ardhur si pasojë e prodhimit të ulët bujqësor në vend.
Ndërkohë, vetëm pak ditë më parë kryeministri ka paralajmëruar edh nisjen e një krize energjetike. Kjo pritet të rëndojë edhe më shumë gjendjen financiare të qytetarëve shqiptarë ndërsa aktualisht ka nisur rritja e naftës dhe e gazit
