Deputeti i Partisë së Lirisë, Petrit Vasili ka reaguar për çmimin e naftës, që në botë është në rënie rekord ndërsa në Shqipëri vijon të jetë ende shumë i lartë.
Përmes një postimi në Facebook, Vasili shprehet se Bordi i Transparencës po vjedh shqiptarët me çmimin e naftës që ka vendosur. Më tej, deputeti i PL duke e cilësuar Bordin e Transparencës si atë të hajdutëve shprehet se është një vegël e Ramës që përdoret për të vazhduar pazarin me oligarkët.
“Deklarata e Presidentit Biden, provë asgjësuese e vjedhjes se Qeverise me çmimin e Naftës!!!
Dje Presidenti amerikan Biden deklaroi shumë qartë se çmimi i Naftës është në rënie rekord.
Ndërsa Bordi i Hajdutëve të Qeverisë së Edi Ramës vazhdon të mbajë shumë të larte çmimin e Naftës.
Maqedonia e ka çmimin vetëm 176 leke dhe uljet atje kanë qenë të vazhdueshme.
Ndërsa në Shqipëri çmimi është plot 221 lekë.
Diferenca është e qartë dhe s’ka asnjë justifikim përveç skenarit të vjedhjes që qeveria po zbaton egërsisht kundër shqiptarëve.
Bordi i Hajdutëve vetëm vjedh shqiptarët me çmimin e naftës, faktet flasin vetë.
Bordi i Hajdutëve është thjesht një vegël qorre që përdoret nga Rama për të vazhduar pazarin e madh të bashkëvjedhjeve me oligarkët.
Deklarata e Presidentit Biden i vë vulen hajdutërise shtetërore të qeverisë së Edi Ramës me çmimin e Naftës.”-shkruan Vasili.
Discussion about this post