Çmimi i naftës zbret në nivelin më të ulët në bursa, por në Shqipëri vijon të jetë i lartë

Çmimi i naftës bruto në tregjet e huaja ka pësuar një rënie të konsiderueshme, duke zbritur në nivelin më të ulët që prej janarit të këtij viti.

Për herë të parë që prej nisjes së agresionit rus në Ukrainë kur çmimi në tregjet e huaja vetëm regjistroi rritje duke shkuar deri afër nivelit 130 dollar fuçia, sot çmimi i naftës bruto në bursën ndërkombëtare është 88 dollarë. Gjithsesi ky çmim mbetet më e lartë se në shtatorin e vitit të shkuar kur kushtonte 72.60 dollarë.

Pavarësisht kësaj rënie në bursë, në Shqipëri ulja nuk është reflektuar. Aktualisht qytetarët një litër naftë e blejnë për 232 lekë, që është çmimi i fundit i caktuar nga Bordi i Transparencës për Monitorimin e Karburanteve më 2 shtator.