Në një kohë kur në Shqipëri kanë plasur protestat për rritjen e çmimit të karburantit dhe reagimit të pakt nga ana e qeverisë, qytetarët e Kukësit kanë shfrytëzuar afërsinë që kanë me Kosovën, për t’u furnizuar me karburant. Në Kosovë çmimi i naftës është disa herë më i lirë se në vendin tonë, ndërsa rritja e çmimit të karburantit ka detyruar qytetarët kuksianë që të udhëtojnë drejt Kosovës për të blerë naftë.
Me dhjetëra qytetarë çdo ditë udhëtojnë drejt shtetit fqinj për tu furnizuar me karburant pasi çmimi në vendin tonë është i papërballueshëm. Në prononcimin që kanë pasur për mediat, qytetarët kuksianë shprehen se karburanti në vendin tonë është jo cilësor dhe ka një çmim shumë të lartë prandaj janë të detyruar që të furnizojnë makinat në Kosovë.
Deri më sot, çmimi për litër nafte në Kosovë është 1.5 euro, ose e thënë ndryshe nën 200 lekë për litër ndërsa në vendin tonë vijon të mbetet në shifra të larta çka ka bërë që qytetarë e student të mbushin rrugët e çdo qyteti për të protestuar.
Discussion about this post