Policia spanjolle ka çmontuar një bandë të trafikimit të lëndëve narkotike, ku të paktën 14 persona kanë rënë në pranga. Sipas mediave vendase, mësohet se autoritetet spanjolle kanë goditur mafien shqiptare që trafikonte marijuanë nga Tarragona. Aksioni i policisë është zhvilluar në zonën e Camp de Tarragona, ndërsa janë kryer dhe kontrolle në ndërtesa industriale si dhe disa banesa po në këtë zonë.
Sakaq, arrestimet janë bërë nga Divizioni i Hetimit Kriminal (DIC) ndërsa mësohet se shqiptarët e arrestuar i përkasin moshës 20-51 vjeç. Dyshohet se hetimi i këtij operacioni ka nisur në vitin 2021 pas informacioneve të marra në komisariatin e Salou për një grup personash që kultivonin dhe shpërndanin sasi të mëdha marijuane.
Gjatë operacionit u zbuluan mbi 2600 bimë marijuanë në fazë të ndryshme të rritjes dhe 54 kilogramë sytha të përgatitur për shpërndarje, si dhe 21 mijë euro cash dhe një numër i madh aparatesh që përdoren për kultivimin intensiv të drogës.
Discussion about this post