Po, produket e kozmetikës kanë një datë skadence. Kremi pudër (fondatina) i lëngshëm në përgjithësi zgjat 12 muaj, boja për vetulla dhe peneli deri në 3 muaj. Produket e buzëve në përgjithësi do të qëndrojnë për rreth dy vjet, por mund të fillojnë të përkeqësohen më herët nëse përdoren shpesh.
Ndërsa kalon koha, përbërja kimike e përbërësve në produke fillon të prishet gradualisht. Kjo mund të bëjë që produkti të mos shtrihet në mënyrë të barabartë në lëkurë. Jetëgjatësia e aplikimit gjithashtu ndikohet.
Shumë produkte skadohen edhe nëse nuk i hapni ose i përdorni vetëm njëherë. Pra, nëse keni një krem pudër të ri në sirtar, që nuk e keni përdorur prej 5 vitesh, fatkeqësisht ndoshta nuk ia vlen ta përdorni më.
Çfarë ndodh kur i përdorni produktet e skaduara?
Përdorimi i përsëritur i kozmetikës së skaduar (veçanërisht peneli dhe kremi pudër), mund të shkaktojnë infeksion. Mund t’ju irritohet lëkura, t’ju kryhen, skuqen, fryhen sytë apo t’ju dalin gunga të vogla të kuqe që duken si akne.
Ekspertët e makeup-it, sidoqoftë, kanë dy artikuj kryesorë që s’duhet t’i përdorni kurrë të skaduar: Kremi pudër dhe rimeli! Të dyja këto produkte, kur hapen, ekspozohen ndaj ajrit, kështu që lejojnë bakteret të hyjnë. Me kalimin e kohës, futen gjithnjë e më shumë baktere.
Edhe boja për vetulla sugjerohet të riblihet pas 3 muajsh, edhe nga agjensitë rregullatore.
Diçka tjetër e rëndësishme është të mbani pastër furçat e makeup-it.
Grimi i ruajtur në banjë është veçanërisht i rrezikshëm
Për të zgjatur jetëgjatësinë e grimit tuaj, ruajtja e duhur është çelësi. Edhe pse mund të ketë kuptim të mbani produkte kozmetike në banjë, ruajtja e produkteve atje mund të mos jetë ideja më e mirë. Avulli i lagësht nga dushet mund të krijojë myk, veçanërisht në produktet e vjetra.
