Në natën e pestë të spektaklit televiziv “DWTS” pati shumë të papritura.
Aktori Roerd Toçe ka lënë në mes garën në spektaklin e kërcimit.
Shkak për këtë siç u shpreh aktori është bërë një problem shëndetësor për të cilin ai nuk zbuloi më shumë detaje. I emocionuar, duke falenderuar partneren e tij në kërcim Ensën, Roredi la garën e ‘DWTS’.
Mbrëmjen edjeshme konkurrentët janë të ndarë në dy skuadra , “Krushqit” dhe “Kalle”. Skuadra “Kalle”, e Julianës dhe Dion dhe skuadra “Krushqit” e Roerdit dhe Ensës, të krijuara nga spektakli i javës së shkuar kërcejnë sonte të njëjtin kolazh muzikor, nga vitet ’80-’90.
Roerdi ka folur më parë edhe me produksionin e “Dancing With The Stars” ku ka treguar se për shkak të një problemi shëndetësor e ka të pamundur për të vijuar garën. Mirëpo, nuk donte ta merrte këtë vendim gjatë javës sepse donte të kryente patjetër sfidën me skudrën e tij. Donte ta çonte deri në fund këtë sfidë. Bravo.
“Deri në fund. Më besoni që ka vlejtur. Nuk besoj se ka një njeri me mend në kokë që do të donte të largohej në këtë moment të garës, por jeta kështu e ka. Ju kërkoj ndjesë të gjithëve dhe shumë faleminderit. Kam qenë pjesë e një super produksioni, e një super platforme.
I falenderoj të gjithë çunat dhe gocat si para edhe pas kamerave, të gjithë teknikën. Sara që bën një punë të shkëlqyer me të gjithë ne për veshjet. Dhe personin që më vjen më shumë keq që po largohem në mes të kësaj gare, Ensën. Ka qenë një partnere fantastike. Më ka mësuar të bëjë atë që unë nuk e kisha bërë kund tjetër veçse para një gote birre, më ka mësuar të kërcej. Po të pyesësh të shtëpisë time thonë: “Uaaa”. Sinqerisht faleminderit të gjithëve dhe Ensa, më fal.”, u shpreh ai.
Discussion about this post