CNN ka shkarkuar spikerin e lajmeve, Chris Cuomo pas përpjekjeve për të ndihmuar vëllain e tij, ish-guvernatorin e Nju Jorkut, Andrew Cuomo, i akuzuar për ngacmim seksual, gjë e cila solli dhe dorëheqjen e tij. Duke njoftuar shkarkimin të shtunën, CNN tha se informacione shtesë kishin dalë në dritë.
“Chris Cuomo u pezullua në fillim të kësaj jave, jemi në pritje të vlerësimit të mëtejshëm të informacionit të ri që dolën në dritë në lidhje me përfshirjen e tij në mbrojtjen e vëllait të tij. Pavarësisht përfundimit, ne do të hetojmë sipas rastit.”, raportoi CNN.
Në një deklaratë të raportuar nga New York Times, Cuomo, 51 vjeç, tha: “Nuk dua të mbarojë kështu koha ime në CNN, por ju kam thënë tashmë pse dhe si e ndihmova vëllain tim. Pra, më lejoni të them tani, sado zhgënjyese të jetë kjo, nuk mund të jem më krenar për ekipin në Cuomo Prime Time dhe punën që bëmë… Unë u detyrohem të gjithëve dhe do të më mungojë ai grup njerëzish të veçantë që bënë punë vërtet të rëndësishme.”
Prezantuesi i CNN testoi një politikë të mosmbulimit të vëllait të tij në fillim të vitit 2020, kur, gjatë fazave të hershme të pandemisë së koronavirusit dhe me Nju Jorkun të goditur rëndë, të dy flisnin rregullisht dhe bënin shaka në transmetim. Skandali që përfshiu Andrew Cuomo u përhap te vëllai i tij më i vogël, i cili pranoi se kishte ofruar këshilla kur guvernatori u përball me akuzat e ngacmimit që ai i mohoi, por që përfundimisht çuan në dorëheqjen e tij në gusht.
Prokurorja e përgjithshme e shtetit të Nju Jorkut, Letitia James, zbuloi se Andrew Cuomo ngacmoi seksualisht të paktën 11 gra. Dorëheqja e tij nënkuptonte se ai shmangte një gjyq të mundshëm fajësimi. Chris Cuomo u pezullua të martën, pas publikimit të dokumentacionit të mbledhur gjatë hetimit të James për Andrew Cuomo. Informacioni i lëshuar nga James tregoi se si Chris Cuomo u kërkoi burimeve për informacion mbi akuzuesit e vëllait të tij, raportoi te stafi i guvernatorit dhe ishte aktiv për të ndihmuar në formimin e përgjigjeve ndaj akuzave.
Ndërsa Cuomo ka thënë se ai nuk u përpoq kurrë të ndikojë në mbulimin e vëllait të tij nga vetë CNN, por megjithatë ai pranoi para hetuesve se kishte kwrkuar nga gazetarë të tjerë për të zbuluar se çfarë informacioni kishin për disa akuzues.
Kjo dukej se binte ndesh me një deklaratë që Cuomo dha në CNN pas dorëheqjes së vëllait të tij në gusht, kur tha: “Unë kurrë nuk kam bërë thirrje në shtyp për situatën e vëllait tim.”
Discussion about this post