Giovanni Colella iu gëzua fitores në Shkodër. Partizani i tij ia doli me përmbysje me rezultatin 2-1 dhe pas ndeshjes trajneri italian deklaroi në Oversport: “Çdo fitore është e rëndësishme, por të fitosh me përmbysje do të thotë që po rritemi. Jam i lumtur për djemtë, pasi kanë kaluar një tronditje në derbi|.
“Mbrojtja me tre është diçka që po e mendoja me kohë dhe vetëm po prisja momentin e duhur. Të shohim, është një mundësi. Në derbi me shumë mundësi emocionet na bënë rreng thuajse të gjithëve, për disa nga këta lojtarë ishte hera e parë që luante një derbi.
Sot më duket se kemi bërë një ndeshje të një skuadre më të pjekur, ndaj mendoj se ndeshje si derbi do të na shërbejnë shumë edhe në të ardhmen”, tha në vazhdim trajneri Colella.
“Sipas meje skuadra është e mirë, kam lojtarë të mirë, por duhet vetëm të punojmë e rritemi pak. Mendoj se sot humbja në derbi na ka ndihmuar që të bëjmë një hap para dhe të rritemi”, përfundoi tekniku i Partizanit.
Discussion about this post