Giovanni Colella, pas humbjes kundër Tiranës në derbi, në Oversport deklaroi: “Nuk ka funksionuar asgjë. Kemi bërë një pjesë të parë të shëmtuar. Nuk kemi bërë atë që kishim përgatitur. Pas kartonit të kuq filluam të flinim, morëm kontrollin e pastaj pësuam të dytin. Ndoshta nuk kam qenë bindës unë për të bindur lojtarët, nëse ata shkojnë në fushë e bëjnë gjëra të tjera, ndoshta nuk kam qenë bindës unë”.
“Kishim përgatitur ndeshjen që të ishim më agresivë ndaj mbrojtësve të tyre dhe nuk e bëmë deri në fund të pjesës së parë. Mendoj se kemi humbur në mënyrë të merituar. Tirana bëri ndeshjen që duhej të bënte edhe me 10, ndaj fitorja ishte absolutisht e merituar. Në vend që të bënim gol ne, kur ishin me 10, bënë ata dhe u treguan të aftë”.
“Kemi pësuar një gol të pabesueshëm, por edhe te goli i pari ishte mjaft i pabesueshëm. Nuk ishte situata për të lënë vetëm njërin. Janë gjëra që ne për fat të keq ishim pak të ngutshëm, në vend që të organizoheshim mirë ata që duhej të rrinin mbrapa. Sipas meje mund ta evitonim. Ndeshjet humben nga gabimet, si të Rexhepit apo tjetrit, por qasja nuk ishte e duhura.
Ne e kishim përgatitur në një mënyrë, e kemi bërë shumë të ndrojtur, si fëmijë. Ndoshta ishte edhe problem emocionesh, ndoshta nuk u shpjegova mirë. I kemi bërë gjërat në mënyrë të ndrojtur”, tha Colella.
Discussion about this post