Deputeti demokrat Kreshnik Çollaku ka vlerësuar si një zhvillim pozitiv Kuvendin Kombëtar të zhvilluar një ditë më parë ku u miratuan ndryshimet statutore në atë që njihet si PD zyrtare apo e vulës.
Çollaku tha se pati një pjesëmarrje përtej pritshmërive, ndërsa e cilësoi Kuvendin sit ë një rëndësie të jashtëzakonshme përsa i takon historisë politike të PD-së.
“Kuvendi miratoi ndryshime statutore duke u përpjekur të shmangë problematika të së shkuarës. Jam i kënaqur nga ky aktivitet.”, tha deputeti democrat në një intervistë për Neës24.
Ndërkohë Çollaku e ka konsideruar të drejtë vendimin e dy viteve më parë nga Lulzim Basha për përjashtimin e Sali Berishës, pas shpalljes së tij “non grata” nga SHBA, pavarësisht se ky vendim solli edhe copëzimin e PD-së.
“Dy vite më parë u morr vendimi që copëzoi PD-në. Nga një anë ishte presioni se po tradhtoni liderin historik, e për të mos mjaftuar, vërshoi një valë urrejtje, e deri në kërcënime.
Vendimi i Bashës ishte i drejtë , pasi mbajti lidhur PD-në me partneritetin strategjik që janë SHBA-të. Shpallja ‘non-grada’ e Berishës ishte një kërkesë politike e SHBA-ve. Do të ishte fatale për PD-në nëse do ishte dorëzuar empatisë. Mes 1000 gabimeve që ka bërë Basha, ky akt ishte i drejtë.
Kjo situatë, shpallja ‘non grada’ e Berishës e rëndoi situatën politike të PD-së. Çështjen e tij refuzoi ta nxirrte nga PD-së, kjo përçau partinë dhe simpatizantët. Kjo bëri që për inat të kësaj PD-je, Berisha refuzoi siglën e PD-së dhe zgjodhi atë të PL-së. Kjo po sjell edhe përçarjen sërish në Kukës, duke dobësuar aktivitetin opozitar. Mbase dita e djeshme do të kontribuojë për të mundësuar bashkimin e votës së demokratëve dhe mbi të gjitha, ne mund të ballafaqohemi me Ramën dhe të garantojmë rotacionin politik.”, u shpreh Çollaku.
Discussion about this post