Në seancën plenare të ditës së enjte pritet që të kalohet për votim amnistia penale, e cila kërkon 84 vota për t’u miratuar. Nënkryetari i Partisë Demokratike zyrtare, Kreshnik Çollaku thotë se votat e PD do jepen vetëm në këmbim që përfitues të aministisë të jenë edhe protestuesit e arrerstuar dhe ndaluar të PD-së.
“Ne kemi deklaruar dhe qëndrojmë deri në fund se ne do të kushtëzojmë votën me amnistinë të plotë të çdo protestuesi të PD në 12 vjet opozitë. Njerëzit janë penalizuar nga mazhoranca, janë vënë nën akuzë, janë nëpër gjyqe. Vota jonë do jetë e kushtëzuar në çlirimin e plotë të protestuesve të PD. Vota jonë do përdoret për të lehtësuar opozitarët. Nëse s’do çlirohen deri te demokrati i fundit vota ynë s’ka për të qenë”, tha Çollaku.
Gjatë ditës së sotme edhe kryetari i Grupit parlamentar socialist, Bledi Çuçi është shprehur se po punohet për të bërë të mundur arritjen e 84 votave që kërkohen për miratimin e këtij projektligji.
Ndërkohë që deputetët e rithemelimit janë shprehur se do të bllokojnë te gjitha seancat plenare, deri në plotësimin e kërkesave të tyre, ku më kryesorja mbetet ngritja e komisioneve hetimore parlamentare.
Discussion about this post