Gazetari Basir Çollaku i ftuar në “Task Force” në Syri Tv tregon se arsyeja pse qytetarët nuk dolën të votonin ishin kërcënimi i vendeve të punës. Ai shprehet se qeveria i bleu emigrantët me lekë në kilogram, e vetmja mënyrë kjo, pasi sipas tij nuk mund t’i kërcënonin dot punën në shtetet ku jetonin ashtu siç bërën me qytetarët shqiptarë.
“Ka pasur njerëz përse nuk kanë dalë në Tiranë që të shkojnë të votojnë. Disa prej tyre i kanë thënë që nëse ti shfaqesh në qendrën e votimit të afërmit e tu nesër mos të vijnë më në punë. Kanë futur sherre nëpër shtëpia. Disa të tjerë me mjete të shëndetshme financiare, se këta nuk i kanë numëruar paratë, i kanë peshuar. Kanë thënë ‘jepi 500 gram këtij, 1 kilogram atij, dy kilogram atij tjetrit’ më keq se peshku dhe frutat. Të tjerëve u ka çuar paratë dhe u kanë thënë mos dilni nga shtëpia dhe trageti, adresa e tyre për të blerë kanë qënë të djathtët. Të majtët i kanë dhunuar me arsye pune dhe histori të tjera ademokratike që ata përdorin.
Pra, kjo mosdalje nuk është e vullnetshme sepse kanë ardhur mijëra njerëz nga jashtë. Pse dolën ata? Njerëzit që nuk i shantazhin dot nuk ke ku ti kapësh nuk e shkarkon dot nga puna në Itali, në Gjermani, në Amerikë. Më erdhën mua miq nga Amerika për të votuar. Kanë harxhuar mijëra dollar e zero përfitim për të votuar të keqen që na ka zënë ne jo ata”, tha ai.
Discussion about this post