Kandidati i opozitës në 11 Maj në Dibër dhe gazetari Basir Çollaku, ka dekalruar se Edi Rama u ka mundësuar grupeve dhe karteleve kriminale në Shqipëri që të kenë grup parlamentar brenda PS-së.
Më tej Çollaku tha se janë më shumë se 10 deputetë që janë futur në parlamentin e Shqipërisë në zgjedhjet e 11 majit, me sponsorizimin e bandave dhe grupeve kriminale në të gjithë Shqipërinë.
“Kjo fuqi mafioze e grupeve kriminale shqiptare, është edhe fuqi politike. Pse është fuqi? Unë e kam thënë dhe jam i bindur për këtë. Përsa kohë ata kanë prodhuar mandate, votat e atyre deputetëve që kanë hyrë në parlament nga kokaina e heroina dhe ka shumë nga hashashi.
Këta njerëz që kanë mandatet, nga ato parcela, vota e tyre nuk kontrollohet nga Rama. Vota e tyre kontrollohet nga Çela, Bajrët, Çyrbja, Porja. Dhe kur Rama nuk bie dakord me ata dhe nuk u jep atë që kërkojnë, sepse realisht ua ka dhënë, i ke me hotele, Pojën, me Hajrin po, Gjokën, po, ke jo pak, 7-8 i ke që sot nga kokaina dhe trafikun e drogës, të cilët kanë investime strategjike, kanë dhe fuqi politike, sepse kanë vota në kuvend.
Dhe vota e tyre nëse Ramës i duhet, nuk shkon kur thotë Rama. Nëse ata investitorët e tyre, nuk i lejojnë të shkojnë në seancë dhe të votojnë, ata të kthejnë paratë mbrapsh. Kanë mundësi këta kandidatët të kthejnë miliona euro që janë investuar për ta, dhe të shkojnë në seancën e kuvendit për të votuar, siç Rama e kërkon?
Tani ata janë grup parlamentar.
Ky grup parlamentar ka fuqi, dhe ka mbi 10 deputet në Shqipëri. Çdo qark ka nga një, ky është grup vendimmarrës për fatet e Shqipërisë, për aq sa të ecin ata.
Do jenë dhe kompanitë ndërkombëtare që do hyjnë në këtë mesele, sepse grupet kriminale nuk kanë përvojë në ligjshmëri”, tha Basir Çollaku në SYRI TV.
Discussion about this post