Kingsley Coman po i afrohet fundit të aventurës me Bayern Munich. Anësori i majtë francez, ish-lojtar i Juventusit dhe PSG, mes të tjerash, ka shprehur tashmë brenda klubit bavarez dëshirën e tij për ta lënë Bundesligën dhe kaluar në një tjetër destinacion këtë verë, sipas informacionit të raportuar nga “Sky Sports DE”.
Klubet saudite tani po e trajtojnë këtë çështje seriozisht dhe, sipas kanalit satelitor, po planifikojnë nisjen e bisedimeve me Bayern Munich, por nuk janë të vetmit të interesuar. Në Angli, veçanërisht Arsenali, ka shprehur shumë interes dhe aktualisht është opsioni më konkret për të ardhmen e Coman. Ky interes ka ardhur pas përshpejtimit të rinovimit të kontratës së Leroy Sané nga drejtuesit bavarezë, opsion që vetëm disa muaj më parë dukej i largët.
Nga Premier League vijnë gjithashtu interesime të tjera. Edhe Tottenham ka shprehur dëshirën për ta transferuar Coman, por për momentin është në një pozicion “stand-by”, i pamundur të veprojë për shkak të pagës së lartë të francezit. Coman fiton 9 milionë euro në vit neto.
Për Coman, trajneri i Bayern Munich, Vincent Kompany, foli dje në një konferencë shtypi në lidhje me rikuperimin e tij nga shqetësimet fizike që e kanë ndjekur në javët e fundit: “Do ta shohim të shtunën, por nuk do të ketë shumë ndryshime në zgjedhjet për rotacionet e formacionit”.
Discussion about this post