Trajneri portugez Sergio Conceicao e nisi me fitore aventurën e tij te Milan, duke mundur Juventus dhe tashmë kuqezinjtë janë në finalen e Superkupës. Të hënën do të luhet derbi me Inter, neë tjetër sfidë e vështirë për Milan.
“Shpresoj që skuadra të jetë mirë. Kemi një ditë më pak pushim se rivalët dhe disa lojtarë, kur të kthehen nga lëndimet, nuk do të jenë në formën e tyre më të mirë. Gjithsesi, do të përpiqemi të sigurohemi që ta fitojmë ndeshjen”, tha Conceicao.
Duke folur per mundësinë e aktivizimit të Leao, ai shtoi: “Në seancën e fundit stërvitore do të vlerësoj nëse do të jetë i disponueshëm apo jo. Gjithsesi, ai nuk mund të luajë dot 90 minuta”.
“Fati nuk vjen nëse nuk punon, por nëse punon shumë, nëse je serioz. Mund të kesh gjithë besimin në botë, përndryshe nëse rri në shtëpi dhe lutesh për gola nuk do t’i arrish kurrë, por duhet t’i shënosh. Duhet të jemi të uritur, të organizuar dhe me pak fat”, tha Conceicao.
Discussion about this post