Përveç 15 ndeshjeve të Europa League, ditën e sotme pritet të zbresin në fushë edhe 32 skuadra që do ndeshen për raundin e 5 të fazës së grupeve të Conference League.
Ndeshjet janë planifikuar që të zhvillohen në tre fashë orare të ndryshme, dy do të nisin në orën 16:30, 8 në orën 18:45 dhe 6 të tjerat do të startojnë në orën 21:00 të mbrëmjes.
E ndërsa pritet të ketë shumë sfida interesante vëmendjen e ndjekësve të këtij sporti në vendin tonë pritet ta tërheqin kryesisht K. Almaty-Basel, Slovan Bratislava-PAOK dhe Roma-Zorya Luhansk.
Baseli i Taulant Xhakës do të ndeshet në orën 16:30 në transfertë me K. Almaty dhe lojtari shqiptar pritet që të zbresë në fushë që nga minuta e parë. Ndonëse Xhaka deklaroi largimin nga Kombëtarja ai është nga ata emra që gjithmonë ka luajtur me gjithë shpirt për ngjyrat ‘Kuqezi’ dhe që gjithmonë do ndiqet me emocion nga tifozeria shqiptare.
PAOK-u i Enea Mihaj do të ndeshet në orën 18:45 me Slovan Bratislavan në transfertë. Lojtari i Kombëtares shqiptare është një element i rëndësishëm i skuadrës greke dhe pritet të jetë pjesë e formacionit startues.
Ndërsa skuadra ku aktivizohet mbrojtësi Marash Kumbulla do të përballet me Zorya Luhansk në një ndeshje që duhen ma patjetër 3 pikët pas ecurisë negative të italianëve në këtë kampionat. Megjithatë duke ditur marrëdhënien jo të mirë të shqiptarit me trajnerin Jose Mourinho, ende nuk dihet nëse ky i fundit do i besoj ndonjë minutë të ndeshjes talentit ‘Kuqezi’./K.T/Gijotina.com
Discussion about this post