Në prag të finales së Conference League në aeroportin e Rinasit kanë mbërritur më shumë se 20 mijë pasagjerë. Roma do të jetë përballë Feyenoord në finalen e Conference League që do të luhet në mbrëmjen e sotme në “Air Albania” duke nisur që nga ora 21:00.
Shumica e tifozëve italianë kanë ardhur me charter në Tiranë dhe si asnjëherë më parë, çdo 30 minuta një avion ikën nga Rinasi pas mesnate. Numri i avionëve që pritet të ulen në Tiranë vetëm ditën e sotme pritet të jenë rreth 180.
Sjellim në vëmendje që gjatë mbrëmjes së kaluar u shënuan përplasjet e para mes tifozëve të Feynoord me efektivët e policisë së shtetit në Tiranë. Pas përplasjeve pati disa të arrestuar dhe shumë riatdhesime. Në mesin e të lënduarve mbetën dhe shumë efektivë të Policisë së Shtetit.
Discussion about this post