Presidenti Ilir Meta do ta ndjekë nga stadiumi “Air Albania” finalen e madhe të Conference League, një përballje midis skuadrës së Romës dhe Feynoord. Ka qenë vetë Meta, i cili përmes një selfie nga brenda ambienteve të stadiumit ka zbuluar se po e ndjek ndeshjen nga afër. “Të dashur miq ju uroj një mbrëmje të paharruar nga Air Albania! “, shkruan ai. Presidenti Meta nuk ka zbuluar skuadrën për të cilën bën tifo sonte.
Prej dy ditësh Tirana është shndërruar në kryeqytetin e futbollit, për shkak të finales së Conference League që do të luhet në “Air Albania Stadium” ku do të ndeshen Roma dhe Feyenoord mbrëmjen e sotme në orën 21:00. Ndërkaq, ka nisur futja e tifozërive përkatëse në stadium pas kontrolleve të rrepta nga ana e policisë.
Discussion about this post