Luftëtari i UFC-së, Conor McGregor është akuzuar se ka sulmuar seksualisht një grua pas një ndeshjeje basketbolli të NBA Finals në Miami në fillim të këtij muaji, raporton BBC. Një letër që përshkruan akuzat, dërguar McGregor thotë se sulmi i supozuar ndodhi në një banjë në Qendrën Kaseya.
Një avokat që përfaqëson McGregor tha: “Akuzat janë të rreme. McGregor nuk do të frikësohet”.
Policia e Miamit ka nisur tashmë hetimet.
Në një deklaratë, UFC tha se ishte në dijeni të akuzave dhe ishte duke mbledhur detaje të mëtejshme. Miami Heat, i cili priti ndeshjen finale të NBA, tha se po kryente një hetim të plotë. Avokati i gruas, Ariel Mitchell, tha se klienti i saj kishte parë ndeshjen e katërt të finaleve të NBA të premten më 9 qershor përpara se të ndodhte incidenti.
Gruaja, në këtë rast viktima, pretendon se ngjarja është kapur nga kamerat e sigurisë.
Discussion about this post