Manchester United thuhet se ka hapur bisedimet me Antonio Conte, por ‘Djajtë e Kuq’ ende nuk kanë marrë një vendim për të ardhmen e Ole Gunnar Solskjaer.
Trajneri norvegjez është nën presion pasi pësoi humbjen 5-0 ndaj Liverpool të dielën.
Sipas raportimeve të shumta në Itali, gjigantët e Premier League kanë bërë kontakte paraprake me Conten, i cili është i hapur për të marrë drejtimin në ‘Old Trafford’ ndërsa sezoni është në vazhdim.
Disa muaj më parë, gazetari i njohur sportiv Fabrizio Romano raportoi se Conte nuk donte të pranonte një punë të re para përfundimit të sezonit, por ish-trajneri i Interit, Juventusit dhe Chelseat duket tani i hapur për t’u transferuar në kampionatin anglez.
Sipas ekspertit të transferimeve, nuk ka një ofertë zyrtare në tryezë për Conte, pasi Manchester United ende nuk ka marrë një vendim për të ardhmen e Solskjaer.
Marrëveshja ekonomike mes klubit dhe trajnerit italian nuk duket të jetë problem, por derisa të jetë në tryezë një ofertë formale, asgjë nuk mund të jepet si e mirëqenë.
Kontrata e ish-sulmuesit në ‘Old Trafford’ skadon në qershor të vitit 2024 dhe bordi i gjigantëve të Premier League po shqyrton nëse do ta shkarkojë ose jo 48-vjeçarin.
Gjigantët anglezë do të përballen me Tottenham-in, Atalanta-n dhe Manchester City-n para pushimit të nëntorit./K.T/Gijotina.com
